菊梓喬 情場弱者「黑」到盡
歌手菊梓喬以黑衣女戰士造型，為熱播劇《逆天奇案》片尾曲《秘密花園》拍攝MV，獲粉絲讚型爆！穿Bra Top上陣的她自覺不太性感：「黐晒膠紙，套衫係造型師幫我整嘅。」又直言向來鍾情黑衣，但幕前較少穿，今次是首次全黑上陣拍MV，所以對造型大感滿意。
提到新歌有份填詞，她表示有「為愛作戰」的感覺，問到愛情方面是否戰鬥格？她笑說：「梗係唔係啦！我呢啲弱者，成日畀人蝦就有我份！（你填詞係咪想自我鼓勵？）就算發生咩事，曾經受過幾多挫折，都要相信愛嘅存在，愛一定會喺前面等你，勇敢啲、堅強啲Fighting！」