谷婭溦作歌 點醒癡情人

歌手谷婭溦日前為新歌《別再回頭》拍攝MV,今次她有份參與詞曲創作,望以此激勵朋友不要再沉溺在一段沒結果的戀情,她表示:「其實一直有努力寫歌,詞方面已經寫咗好幾首國語歌詞,今次就係第1次發表作曲方面嘅作品。雖然係同朋友合寫,但已經好有滿足感,希望之後可以有更多自己嘅作品。」

提到首張個人大碟《哭牆》推出後外界反應佳,獲得多間唱片店及香港唱片商會銷量冠軍,更一度賣斷市,她感激歌迷支持:「簡直係打咗支強心針,就算等咗6年都好值得。多謝公司安排一連串嘅宣傳活動,嚟緊仲會有見面會,可以現場唱歌畀大家聽,真係好興奮!」