陳煒劇接劇冇時間結婚

陳煒與醫生男友陳國強拍拖2年，不時傳出喜訊，昨日再有報道指2人已低調簽字註冊，僅得雙方家長出席見證。記者就婚訊向陳煒求證時，她矢口否認：「梗係冇啦，香港結婚邊有得唔公布啫，一定查到。真係冇時間，啱啱拍完一套劇，依家又緊接開另一套嘞，冇時間諗嘢呀！」有指她日前出席新劇活動時，手上戴上巨鑽戒，她解釋謂：「係贊助做戲用(口架)咋！」