久別幕前的汪琳昨日跟老公帶同一對仔女，一家四口出席芭蕾舞學院開幕禮。現為全職媽媽湊小朋友的她，承認有掛住幕前工作，笑言睇電視劇會睇到戲癮發作，自爆有復出計劃：「等到佢哋大啲拍拖唔要媽咪嗰陣就復出做甘草，哈哈！」她笑言發現男仔特別曳，故若然頭一胎是仔的話，就即刻封肚：「真係暈喺度，曳到嚇死我，家姐乖好多！」
