林愷鈴年年有心思 吹笛氹媽咪
林愷鈴（Ashley）昨晚與母親龔慈恩、陳凱琳、余安安、江欣燕與媽媽等，到電視城錄影《日日媽媽聲》，問到母親節有何表示？Ashley笑言：「講咗就冇surprise。」龔慈恩亦讚乖女：「佢唔會送禮物，但會DIY送啲小手作，例如試過寫卡、整早餐畀我食，又用長笛吹首歌畀我聽，好有心思，總之見到佢同個仔就好開心。」問到可想囡囡帶個男朋友回家？她望住囡囡，Ashley即扮聽不到，然後她笑言：「佢開心我就開心，冇壓力，雖然我都有啲希望。」Ashley就坦言：「依家冇拍拖，因為學校同工作都好忙。」
陳凱琳讚大仔窩心
陳凱琳表示今年是首個與2子共度的母親節：「當然就由老公（鄭嘉穎）安排啦，叫佢簡單搞就得，會食餐飯，同埋媽咪同佢媽咪，3個媽咪一齊慶祝，嚟個世紀大合照。」她又分享大仔一件窩心事：「前幾日細仔9個月大，我哋食蛋糕，大仔之前未識同人分享，但佢知個蛋糕係畀細佬，所以第一啖係餵細佬食，之後先自己食番，我覺得好warm。」
