衛蘭衝上紐約時代廣告板
歌手衛蘭（Janice）成功衝向國際，昨日美國時間清晨開始，她出現位於美國紐約曼哈頓區的人氣熱點「時代廣場」（Times Square） 的巨型LED螢幕上，引來大批民眾圍觀。原來有音樂串流平台發起活動宣傳，Janice有幸被挑選成為香港區的代表女歌手，跟另外34位來自不同地區的女歌手共同宣揚女性的音樂能力。
當Janice得悉登上時代廣場的廣告板後，興奮到不斷問：「呢個真係真嘅？我唔相信自己個樣會登上時代廣場！嗰塊廣告板係最受注目o架！係紐約嘅最熱點！呢個真係真嘅？」她更透過即時鏡頭，親眼直擊實時狀況。對於成為香港代表，兼與世界各地一眾優秀女歌手共同參與今次活動，她非常感恩，並笑說︰「發夢都估唔到會發生。」