Edan儲首期買樓氹媽咪

組合MIRROR成員呂爵安(Edan)、陳家熙(Locker)及譚旻萱(Mandy)昨日出席帝舵表活動,Edan忙於準備演唱會,透露近日一口氣連拍6、7個廣告,收入不俗,但酬勞未到手,有些更要等到半年後才「出糧」。問到會否效法隊友姜濤買樓?他笑說:「佢梗係得,但我仲未得喎!媽咪的確最近有提過想買樓,我都想買層樓送畀佢,佢養大我勞苦功高,希望可以盡快儲夠首期。」談到日前上載「Barcode頭」照片呃Like,他笑言今次是入行以來獲得最多Like的貼文。

Locker傳緋聞:了解中

至於Locker與Mandy同聲表示參演Edan的歌曲MV後有更多人認識他們,連帶工作量上升。對於被指有圈外女友,Locker表示:「其實我仲未有能力私有化(網紅Jeannie),目前雙方了解中,相處舒服同啱傾,有發展空間。」Mandy亦透露有位感情穩定的圈外男友,男友明白她開工經常要接觸異性,絕不會呷醋。