拍同性親密戲 黃德斌冇眼睇

藝人黃德斌、簡慕華、MIRROR成員Edan及Anson Lo，昨日為ViuTV劇集《大叔的愛》拍攝海報。適逢德斌月底生日，大家準備生日蛋糕為他預先慶祝，Edan作狀獻吻，德斌搞笑扮毛管戙彈開！談到生日願望，他表示：「身體健康、咩事都順利、大家開開心心、工作多啲啦。（正日點慶祝？）應該要做嘢，有新劇開。」談到該劇6月底播映，他坦言期待：「但又唔係好敢睇（HeHe場面），始終未試過拍呢種場面。（多咀戲？）其實冇乜，啲親密戲睇到笑咋！」又指其中一場戲與Edan共處一室，但尺度有限，搞笑成分居多。問到日後會否再拍同性戀題材的劇集？他表示不介意，最重要有發揮。