馮允謙拍MV諗衰嘢

唱作歌手馮允謙的MV向來玩未來世界Feel,新歌《思念即地獄》MV一改風格,加入吸血殭屍元素,並請來藝人談善言及岑珈其演出,而他則擔演殭屍獵人一角,拿着古典手槍,獲導演讚有說服力。他刻意全日不講笑,培養情緒扮衰人:「黃偉文寫嘅歌詞講遠距離戀愛,當中思念嘅痛苦令你感覺好似身處地獄,所以導演提議用殭屍與人戀愛表達嗰種遠距離。」

最初他打算親自演殭屍:「但大家話我好正氣、好乖、好紳士,冇說服力,所以我全日唔敢笑,提醒自己諗啲好壞、好衰嘅嘢,令到成個人感覺冷酷啲。」他又向導演爭取加戲份,導演卻潑冷水:「有時間就拍埋你吊威吔飛來飛去啦!下次啦!」