Gary認老唔同Mike爭
環球新人Mike、Gary及組合石山街逐一派歌，Mike最期待疫情後可以唱Live跟Fans交流，又笑指長遠目標是出大碟︰「每年做實體碟嘅難度都增加緊，所以如果有隻自己嘅實體碟，可以話係成就解鎖﹗」
今年34歲、前組合SQUARE成員Gary，自認是「老新人」，不會視Mike為競爭對手︰「係互相支持，年紀都有啲差距。盡力做好所有嘢，冇諗太多，新歌順利出街就已經好好。」
至於原是幕後唱作人的組合石山街，笑言仍未適應幕前工作模式︰「自彈自唱嘅時候會唔小心耷低咗個頭，要學識望住鏡頭。簽咗公司之後就真係好感恩，出完歌之後嘅工作機會係我哋意想不到，嚟緊會造多啲好歌。」