鄭俊弘夫婦輪流「燒廚房」

歌手鄭俊弘（Fred）及何雁詩昨日夫妻檔現身電台受訪，期間大爆瘀事，何雁詩說：「試過喺車換半截裙，但未扣好拉鏈，一落車成條裙跌咗落嚟。（成為人妻後有冇瘀事？）試過差啲燒咗個廚房，煎牛扒啲火上到去抽氣扇，個木櫃都有煙燻咗嘅感覺。」Fred亦自爆：「我近排炒蛋，但唔記得熄爐就出街，乾燒煎pan，阿詩仲喺屋企瞓緊覺。」何雁詩即笑說：「覺得佢有心想結婚後攞遺產。」講到Fred約滿星夢，他透露稍後會簽唱片公司。