張韋怡千年天珠傍身 6位數鑽研水晶陣

這條天珠手鏈GoGo經常傍身，有助夫妻關係良好。

曾參選港姐的張韋怡（GoGo）2014年嫁入豪門，與老公Michael育有一名兒子Ashton，囝囝現已6歲，本來生活美滿，不過去年她入稟高等法院控告其姑仔誹謗，更不幸小產。身心受創的她，後來經朋友請來了天珠，希望助她提升正能量。其後她更開始鑽研水晶，令心靈有所寄託。她受訪時不諱言：「上年經歷過好多嘢，係人生一大陰影同創傷，患上情緒病後，我一度嚴重到甩頭髮、心跳、手震、失眠、易怒同有輕生念頭，不過同自己講要理智面對，好朋友楊卓娜同我傾偈、鼓勵我，叫我停藥同搵啲開心嘢轉移視線，之後我正式接觸天珠，導人向善嘅信念同宗教能量畀到我支持，令我有精神寄託。天珠係好難求，而且價值不菲，有緣先可以收到返嚟！」

• 接觸天珠後，GoGo又沉迷玩水晶。

畀囝囝戴住定驚

GoGo擁有的天珠由西藏求回來，她指全都有過千年歷史，對她來說是正能量載體，每粒都有不同價值，有傳李連杰擁有一粒「九眼天珠」已價值上億元，而每粒珍貴的天珠均由師傅及數千名僧侶一齊於西藏寺廟內誦經、念佛加持，GoGo亦送了給患病的父親及囝囝，她說：「囝囝上年同我一齊經歷好多嘢，逼住佢成長，但亦都存在陰影，佢好怕黑，有時佢驚，我就畀天珠佢戴，佢就好安心，係一種信念。」

及後她再鑽研水晶，半年內已豪花6位數字買入不少。她指水晶是天地孕育千年的大自然石頭，具有一定的能量場、磁場，認為只要選擇到適合自己的能量，便能增加磁場令自己強大。