AGA 3獲白金唱片：有個小里程碑！
歌手AGA（江海迦）昨日出席白金唱片祝捷會，獲高層Duncan、監製舒文及一眾新進師弟妹到場支持，包括Mike、趙浚承、P1X3L及石山街。期間宣布《So Called Love Songs》大碟榮獲白金唱片，是她入行8年第3隻唱片獲得白金唱片，對此她坦言：「上次我攞咗白金之後都冇諗過有機會再攞，開心隻碟成績好，有個小里程碑。」
她又透露上次攞白金唱片時父母在場，但因疫情關係，已超過1年沒見身在澳洲的家人：「家姐就嚟生B，我都冇得見，想同佢哋分享喜悅。」講到紅館演唱會因疫情延期，正申請明年開騷，心理、思想上都準備好。