馬浚偉諗通 做好每一日

「阿妹」心痛太操勞

該劇原定去年9月公演，受疫情影響延期至6月演出，馬浚偉身兼監製、編劇、導演及演員多職，加上又有其他範疇的工作，3位「阿妹」陳法拉、鍾嘉欣及楊茜堯紛紛問他為何要如此辛苦，他受訪時表示：「當然知自己做緊咩，每日都係玩緊，因為當每日都係最後一日。我好肯定，呢刻就算擁有幾多，都係冇用，因為好多嘢帶唔走，我諗得好通。（咁灰？）一啲都唔灰，每日充滿希望，每日都要做到最好，第2日擘開眼你就會覺得好過癮，尋日積落嘅嘢今日有得着。不過我嘅計劃好長遠，已經有晒3至5年內嘅計劃，我唔介意突然間冇晒所有嘢，只介意有冇做好每一日。」

怕耽誤演員開工

舞台劇延遲公演，宣傳費及其他雜項令他損失6位數字，現時雖然演10場，惟預售時為配合防疫措施，只賣了一半座位，即使每場爆滿仍要蝕7位數字。問到為何不延遲演出？他坦言：「唔得喇！個個演員要食飯，都50、60人，唔可以再Hold住人哋啲期，大家都要開工。」