模特兒郭玥彤（前名郭穎兒，Celia K.）早前宣布誕下第3位千金，近日特意安排拍攝初生嬰兒寫真照，並一家五口影全家福，場面溫馨。她受訪時大爆大女和二女太愛錫BB，拍攝期間發生小插曲：「佢哋太鍾意妹妹，長期黐住要同佢玩。攝影團隊驚影響到影單人相，所以影嘅時候好秘密，要匿入主人房逼喺小角落度影！」
此外，她透露產後出院第7日，因血壓過高需即時入院觀察，幸並無大礙：「嗰陣個頭劇痛，血壓飆升到上壓160、下壓103，醫生驚我有妊娠毒血症，亦擔心我中風，所以當晚即刻留院做檢查，好彩第2日就可以出院。」
