楊柳青教橡筋操專攻靚籮

藝人楊柳青身為健身學校老闆，又擁有健身教練牌，經常與學生分享keep fit心得。早前她親自示範一套專為女士而設的橡筋操，專攻臀部和腿形線條，見她將橡筋套在大髀位置，分別站立、瞓地及趴地做出多組開合及提腿動作，左右腳各做15下為一組動作，她說：「多咗女仔注重自己嘅臀部，所以我教一啲大家喺屋企都做得到嘅動作，有提臀效果，令臀部結實啲，着貼身褲都靚啲。」又指對女士來說，臀部運動比較容易燃燒脂肪：「因為我哋嘅臀部同大腿係全身最多肉嘅地方，由呢度開始做運動，burn fat效果更好！」這幾套動作主要鍛煉線條，若想達至減肥效果，她建議要配合帶氧運動。