Cloud分身乏術 跳唱冇信心

《全民造星III》參賽者雲浩影（Cloud）唱得又跳得，原來小時候曾參加薛家燕藝術中心旗下的兒童組合Honey Bees，對此經歷，她笑說：「當時覺得好玩，但純粹係興趣班課餘活動學吓唱歌跳舞，家燕姐都好好，提供咗好多學習表演嘅機會，好多舞台經驗都喺嗰度累積返嚟。」問現時可想走跳唱路線？自覺並非跳舞之人的她坦言：「暫時唔會，擔心跳舞會影響唱歌，音樂上仍然有好多嘢去explore，想試好多唔同類型嘅歌，甚至可能同band夾歌，呢個係我易做同有信心做得好。」提到男友都喜歡唱歌，可會情侶檔合唱在網上分享？Cloud笑說：「應該唔介意嘅，佢之前喺唱歌比賽贏過我添！（之後會情侶檔合作？）到時再算。」