湯洛雯激咀譚俊彥 馬國明冇眼睇
湯洛雯（靚湯）與譚俊彥（Shaun）在無綫劇集《失憶24小時》中的激吻戲前晚播出，不過電視播映的是刪剪版，原裝正版激情得多！今次是靚湯處女下海拍激吻戲，劇情講述她與Shaun共處一室，突然雷響令Shaun驚恐症發作，靚湯即將他擁入懷內安撫，之後熱吻起來。
唔敢睇Playback
靚湯受訪時坦言看劇本時不以為意，到真正吻下去才開始緊張：「以前拍嘅都只係蜻蜓點水，今次係攬住錫！嗰日原本有同事喺現場拍Making Of，但我都同佢講可唔可以唔Roll機，我有啲怕醜，拍完連Playback都唔敢睇！」
其男友馬國明正在內地「隔離」，問他有否看到那場吻戲，他以短訊回覆：「咁啱，冇睇到……」更配以幾個笑住喊的Emoji公仔，夠晒抵死！
前晚一集還有不少激情戲，張達倫與江欣燕這對打「友誼波」的過氣夫婦亦有咀戲，而黃建東與楊埕更「車震」，相當香艷！