被爆（抓）免費水果 江嘉敏食檸檬
藝人江嘉敏近年甚為「惹火」，是非不斷，有指她早前曾主動聯絡一間生果店，以曾有店舖請她食水果的話題入手，似乎想對方長期贊助，並指若店主願意就會在社交網上載水果照作宣傳，不過最終食檸檬。
江嘉敏昨日就此事回覆：「嗰間水果店我不嬲有買嘅，佢哋的確有畀Discount我，過時過節仲會送果籃畀我添！佢哋對我咁好，咁出個Post幫佢哋宣傳吓，我覺得絕對冇問題，互惠互利啫，我都好多謝佢哋。」
她又指曾介紹朋友幫襯這間店，朋友亦大讚老闆友善，除了提供折扣還送贈水果。早前她因為獲邀分享個人生活美食，所以問水果店是否有興趣：「然後叫佢哋砌靚啲果盒影相，成件事只係咁樣。我知個老闆係女仔嚟，佢好好成日送我水果，又畀折我，今次件事係咪覆我短訊嘅員工同老闆溝通有啲誤會，我就唔清楚。」