戴祖儀急搵男友 完美人生

戴祖儀日前拍片回答粉絲問題,有網民問其男友是誰,她激動說:「擺明冇follow我啦!話說我電話係冇秘密o架,唔會見到有男仔私訊我,因為我零呀!」並自爆恨拍拖,要用交友App搵男友:「我上兩個禮拜下載咗交友App,但完全一個都配對唔到呀!」再附上一張「招親」相,寫着「各位高質男士,請盡快聯絡祖儀」。又力Sell自己是天然靚女:「我冇加工過o架,所以好引以為傲自己有咁嘅美貌,雖然唔知點解咁靚都要單身……如果我連男朋友都有埋,我人生已經完美喇!」