吳若希冇記性靠莊思敏打救

吳若希產後積極收身,雖然曾被堪輿學家批她心廣體胖,未來10年都易肥,但她勤力做Gym,在社交網上載短片及寫道:「自己都忍不住要稱讚自己做運動時的背影很好看,背肌是怎樣煉成的?」穿露背運動上衣的她大騷纖腰,瘦身成績理想。

日前她正式復工,重返無綫節目《姊妹淘》的主持崗位,她笑言:「好開心呀,同我拍開嘅主持好醒目,大家對我好好,知我有呢個孕傻嘅問題,突然間會唔記得自己講乜,因為太有默契,一個眼神就會幫我接落去,令我好有安全感,尤其係大姐姐莊思敏,佢係第一代主持,復工拍到佢係一個榮幸。」