羅子溢跑斜路 傷腳入院 棄用替身出事!

藝人羅子溢做老竇後,為照顧太太楊茜堯及寶貝女「小珍珠」,工作更見認真!早前他為劇集拍動作戲時不慎受傷,但為效果更佳決定負傷完成拍攝,結果搞到傷上加傷,最終要入院睇急症!

談到出事經過,他說:「劇情交代我喺斜坡上被拍檔追,本來工作人員問我需唔需要替身,但我覺得自己應該做到,點知斜坡比肉眼望落更斜,一個唔小心踩錯高低級就拗柴囉!不過我覺得呢Take幾好,所以冇出聲,完成晒先同劇組講,當時一望,腳眼已經腫到好似雞蛋咁,真係有啲恐怖!」

先拍文戲養傷

留守現場作簡單治療後,劇組以防萬一,最終送子溢到醫院作詳細檢查:「好彩冇咩事 ,休息咗兩日就如常開工,工作人員都好體貼,復工初期安排我拍文戲,唔使郁咁多。」

近日忙於為新劇《家族榮耀》拍攝香港部分外景的他,與拍檔張智霖等相當投契,談到月底煞科,他笑言擔心唔捨得。