美國天后Lady GaGa的愛犬Koji與Gustav周三晚在荷里活遭持槍匪徒擄走，她即懸紅50萬美元（約390萬港元）尋狗。周五晚約6時，一名女子到洛杉磯警局歸還兩犬，GaGa的工作人員確認後接走，據稱身在意大利羅馬拍攝新片《Gucci》的GaGa喜極而泣，暫時未知該女子會否得到賞金。
事發時槍擊狗保母Ryan Fischer的綁匪仍然在逃，Ryan的家人受訪時透露：「佢依家喺醫院接受好好嘅治療，醫生認為佢可以完全康復。我哋同醫護人員點講多謝都唔夠，佢哋為咗照顧Ryan不辭勞苦。」GaGa亦在社交網大讚保母：「我會繼續咁愛Ryan Fischer，你為咗我嘅家人，用你嘅生命冒險戰鬥。你永遠都係一個英雄！」
GaGa愛犬被綁架，荷里活的狗保母公司立即提高警覺，有負責人表示會申請讓職員陀槍自衞，亦會安排他們學柔術，以防萬一。另一間公司的負責人指事發後已向38名狗保母分發胡椒噴霧及電筒，亦有人表示會為職員配備隨身鏡頭。