薛家燕昨日以代言人身份，與范振鋒（圖左）出席廚具活動，她笑言由去年底開始行好運：「《天天開運王》幾位師傅都算到我今年喜事重重、紅鸞星動，首先就係我新抱有喜。（想將好運傳畀仔女開枝散葉？）梗係啦，我都生咗3個，仲有2個女未結婚，希望佢哋快啲，嚟緊一年我要抽時間湊孫，所以個女可以唔使咁多嘢做，抽時間拍拖。」
提到師傅指她紅鸞星動，她笑言：「我好多人追o架，只係睇我心唔心動。其實紅鸞星動亦可以指得到好多人喜愛，有好多觀眾支持。」談到昨日元宵節，她笑言會隔住個「Mon」與男友食湯圓慶祝。
