林二汶發揮「織女」精神

唱作歌手林二汶將於3月27日在紅館舉行入行20年以來的首個個人演唱會,日前拍攝演唱會海報,她形容一身造型:「其實除咗靚之外,仲同今次演唱會好有關係,因為編織係要日復一日一針一線好有耐心,好啱我呢個演唱會,都係一點一滴咁構成。」她續說:「我演唱會名叫《The Beginning of Faith(信仰的開端)》,因為我有首歌叫《最後的信仰》,個意義係你相信你一直努力織到底,嗰樣嘢就會出現,呢個係我做咗咁多年嘅其中一種精神。」

不過,她笑言自己完全不懂編織:「就算讀書上家政堂,所有編織功課都係由我阿媽、阿婆、阿姨幫手合作製作,好慶幸身邊幾位上一代婦女咁有才藝,所以今次都係一併向佢哋作出致敬。」