馮盈盈食得健康 有「素」得計

藝人馮盈盈在大學時修讀食物及營養學系，故對健康飲食十分有心得，她推介大家可以食素：「明白如果平時唔係素食者，好難一下子轉食純素，我都唔係完全素食者，所以會一星期食一日素，Green Monday，同時初一、十五都會有個理由畀自己食素、唔食肉。」她教大家如果一開始想較易接受，可以食植物肉：「用大豆、米、菇嚟整，整到同免治肉冇分別，仿豬肉、仿牛肉都有，我試過用嚟整梅菜肉餅，味道、質感都好似，唔講都唔知係齋，整完出嚟仲會有汁同少少彈牙嘅感覺，又可以整獅子頭、肉醬意粉、漢堡包都得。」