食住「親生仔」個勢 陳展鵬出碟搞巡迴騷

視帝陳展鵬早前被傳歌手路「撻Q」,不過近日網上流出其新歌MV花絮,並於本周五舉行加盟天盟娛樂唱片公司暨新歌發布會,席間將開live show跟各地歌迷分享其事業新一頁。據知其唱片公司有感回歸無綫的曾志偉銳意重整音樂節目,所以展鵬食住個勢,以無綫「親生仔」身份重踏樂壇必有利,除了錄新歌外,年底將推出其處男實體唱片,待疫情減退及通關後,會舉行巡迴歌迷見面會。

之前展鵬曾笑言奪視帝後沒有新劇推出而被誤會減產,據知他已煞料的《唐人街》、《逆天奇案》及《超能使者》,以及拍攝中的《黯夜守護者》等劇集,將於今年內輪流推出其中2、3齣,為他保持人氣。唱片公司高層Tommy Chu昨日在電話中表示,展鵬現時宣布再戰樂壇只是「有咁啱得咁蹺」:「其實去年決定咗出歌,覺得依家係啱嘅時機咪正式推出,佢首新歌《零歲》係為佢度身訂造。」