無綫助理總經理兼邵氏電影執行董事及總經理樂易玲昨日接受訪問，對於星夢旗下歌手去向，她坦言昨日與何麗全一齊約見公司歌手，包括JW與胡鴻鈞，她說：「今次主要係我同何生想了解吓佢哋對音樂上一啲睇法、鍾意啲乜，對佢哋多啲了解，我哋傾得好開心，佢哋都係公司嘅藝人，我哋會好好珍惜，之後會陸續見埋其他歌手。」