王菲烈燄紅唇 Chok甫挑戰難度
前港姐王菲最近請攝影師為她拍攝一輯「烈燄紅唇」照，Chok到盡影靚相。拍完後，她即準備大餐獎勵自己。
王菲近期忙拍無綫重頭劇《白色強人II》，趁放假休息找來攝影師影靚相，發掘自己的可塑性。今次她與攝影師、化妝師商量之下，拍攝一輯火紅靚相。穿上紅色裙子、化了一個烈燄紅唇的濃妝，相當搶鏡，她說：「自己未試過咁樣影相，感覺有啲似拍廣告，想試吓特別啲嘅造型，自己好鍾意紅色，所以就揀咗個火紅色嘅Look。」
高踭鞋吃不消
她應攝影師要求，擺出多個Chok到爆的甫士，亦趁機晒美腿：「未擺過咁有Mood嘅甫士，都係現場攝影師教我，有啲仲要攝影師親自示範。着住高踭鞋影相有少少攰，不過入行2年，都開始慢慢適應，依家可以企到幾個鐘，哈哈。」
影完靚相又餓又攰，王菲準備好大餐「慶功」，她笑說：「好耐冇去日本，所以訂咗長腳蟹同埋海鮮同屋企人食餐好，長腳蟹好好食，勾起去日本旅行嘅感覺，希望疫情快啲過去，可以去旅行。」