張曦雯踩場撩羅子溢 預告有下文

張曦雯(Kelly)、張文慈(Pinky)與羅子溢因合作無綫劇《木棘証人》而成為好友,Kelly 3月初將隨《白色強人II》團隊到深圳拍外景,未計隔離時間,單是開工已需逗留個半月,故日前特地夾時間午膳兼團拜,傾到雞啄唔斷!羅子溢自爆改名後普通話發音等同「一」,故被冠以花名「一哥」;而「家姐」Pinky則負責埋單請客。

角色貫穿兩劇

據知,羅子溢有感與Kelly的螢幕CP討好,故早前為《陀槍師姐2021》拍煞科戲時,靈機一觸推薦對方參演一角,並於結局篇現身,暗示他們將有發展機會。Kelly客串的角色,名字與職業都跟《木》劇一樣,成功將兩劇Crossover,增添觀眾的親切感。雖然只是客串,但她未有「偷工減料」,特地準備一襲橙紅晚裝登場,為《陀》劇尾聲放彩蛋!

談到今次演出,她笑說:「冇乜準備,連劇本都冇。嗰陣我咁啱拍緊《踩過界2》,成日喺公司見到子溢,有次大家同監製方駿釗傾偈講起,咪有咁嘅構思囉!都幾好玩!」