朱千雪律政強人 被廚藝考起

前港姐朱千雪前年8月嫁醫生老公Justin後淡出幕前,投身法律界成為執業大律師。成為人妻近年半的她,日前在社交網自爆廚藝欠佳,絕對是一名「無飯」主婦!

她坦言下廚失手,並向網友求救:「今晚整咗兩個失敗嘅餸,蒸水蛋、豉汁蒸排骨,結果兩個都失敗。食譜話每樣材料用一茶匙,點知唔覺意全部用咗一湯匙。水蛋蒸極都唔熟,45分鐘後,個邊都燶埋,但係中間全部都係水,究竟做錯乜?」不少網民叫她向出名廚藝了得的好友張嘉兒惡補廚藝。