婚後發文數臭唔顧家 志偉孻仔曾國猷離婚 前妻高調攬新歡

39歲曾國猷早年挾父親之名嘗試在娛樂圈發展，曾夥拍「最索人妻」梁芷珮主持節目，可惜外界反應平平，及後又捲入開公司「走數200萬」事件，當時急忙對外聲稱早已離職，欠債與他無關。

雖然事業發展平平，他卻娶得年輕貌美的老婆，2012年9月與當時已懷孕的Renee步入教堂，有指父親志偉負責整個婚禮的開支，包括逾40圍酒席及百萬禮金。表面上Renee如闊太般優哉游哉，一家三口過着幸福生活，豈料結婚第2年已「家醜外傳」，她在社交網發文狂數老公不是，指摘他經常外出，不照顧妻女，同時對老公的外形諸多不滿，自爆當初決定下嫁，只因老爺是曾志偉。她對夫家諸多抱怨，言論令人側目。

Renee在情人節孖新歡食大餐，公開戀情。

當日為母親舉行告別儀式，國猷獨自帶女現身，未見Renee。

奶奶喪禮唔見人

外界隨即傳出曾國猷與Renee夫妻關係破裂，當時哥哥曾國祥曾幫忙「拆彈」，表示已與兩位當事人溝通，解釋稱社交網遭黑客入侵，而志偉亦出面說好話：「兩公婆梗會鬧交，佢哋要發洩都冇辦法，我對細路係保持開放態度。」事件告一段落，惟曾國猷夫婦鮮有一同露面，連家庭聚會亦不見女方蹤影。

去年8月，曾志偉太太因癌症離世，喪禮上只見大新抱王敏奕，全程未見Renee，只得國猷獨自拖着女兒現身，見他身形變得健碩，頭髮亦濃密不少，更搣甩昔日的四眼Look。據知當時2人已分開，但當事人不肯正面回應婚變。想不到事隔半年，女方竟主動在社交網交代近況，更選擇在情人節公開與新歡面貼面的恩愛合照，見他們歎頂級日本和牛慶祝，並狂Po十多張美食照炫耀，明顯已正式展開新戀情。

曾國祥大方祝福前弟婦

記者先聯絡曾國猷，惟未獲回覆，而曾國祥受訪時直認弟弟已離婚多時：「佢哋已經分開一段時間，大家關係良好，亦希望佢哋搵到自己嘅幸福同快樂。多謝關心。」至於志偉亦不欲多談孻仔離婚一事，未有回應事件。