陳煒情人節拍拖攝太歲

牛女陳煒與同齡男友陳國強，今日趁情人節齊齊去攝太歲，有別一般慶祝活動，果然夠新鮮！她笑說：「情人節大家都好隨意，但我哋都屬牛，今年犯太歲，所以一齊去拜太歲，祈求牛年平安，比較實際！」每逢農曆新年，她都會準備賀年菜讓朋友大快朵頤，但今年忙於為無綫劇《黯夜守護者》開工，每日由朝拍到晚，沒有時間辦年貨，但她從未投訴，笑言自己「似隻牛」！問到願望，她祝願大眾「很牛」：「呢句話喺內地係讚人好勁、好強嘅意思，我要借用一下，讚香港人個個都咁勁！」