蔣怡置新裝 網上拜年都要靚
蔣怡（CoCo）正閉關炮製其首本食譜，日前忙裏偷閒約旗袍設計師好友蔡毅明（Grace）到銅鑼灣買新衫，對麻雀圖案外套一見鍾情，一試即買，為過年作好準備。她說：「依家真正煮同埋影相會比較趕，每日要影7道菜，又要拍片同外景，抗疫期間屋企繼續1日3餐。（1日煮10道菜？）所以好忙，由朝煮到晚，等小朋友瞓覺後繼續準備食材同碗碟裝飾。」又說老公思想傳統，在疫情下仍要影新年全家福：「網上拜年都係拜年，都要着靚衫影靚相，我哋會喺屋企搵個靚啲角落影相。」
另外，Grace早前粉墨登場拍攝微電影，穿上旗袍及拿着飯壺，甚有《花樣年華》的「曼玉Feel」，她笑說：「唔可以比，各有特色，不過起碼有9年冇做模特兒，拍嗰日好凍，啲朋友問我做乜拍嘢，我話經濟唔好，要搲撈，哈哈！」
