羅子溢拍浸浴戲 似冇着底褲
羅子溢於無綫劇《陀槍師姐2021》飾演「社團大佬」洪永城手下，獲賞識並接管桑拿浴室，其中幾場戲2人「肉帛相見」，子溢再次奉旨晒42吋胸肌，吸睛非常！他說：「劇入面起初我同洪永城感情好好，劇組包咗成個桑拿浴室拍攝，為求營造真實感覺，就畀咗超透薄底（內褲）我哋着，着咗同冇着分別不大。我本身未去過桑拿浴室，今次咪當參觀吓囉。」劇中子溢與宣萱的關係微妙，有內地網民推測他們將發展感情，他笑言令大家失望：「觀眾真係諗多咗，我成套劇可以話冇感情線，最多只係暗戀鄧佩儀咋。」
另外，洪永城經常獲女友鼓勵多做運動，豈料近日有報道寫成「洪永城獲女友鞭策下體能提升」，不少網民相當關心其「下體」狀況，他於社交網搞笑澄清：「你哋唔好message關心我『細佬』喇，佢好好呀！」