崔建邦換拍檔 陳凱琳復出做主持

崔建邦（Amigo）主持的無綫節目《諸朋好友》口碑相當不俗，之前訪問的都是有分量的嘉賓，包括元彪、黃日華與苗僑偉、宣萱與歐陽震華等，現時再度添食，繼上次有靚女拍檔張秀文，今次他更邀得久休復出的靚媽陳凱琳（Grace）拍住上。Amigo受訪時說：「之前我都同Grace合作過做台慶主持，佢狀態好好，好有親和力，大家合作得好開心。」而Grace就大讚對方十分照顧她：「第一次做呢類節目嘅主持，而Amigo係我入行之後第一次做台慶司儀認識嘅，佢好照顧我、睇住我，希望自己可以學習多啲、做好啲，唔好失禮！」