謝霆鋒街頭乾煎 練拳作「反」
謝霆鋒在新片演大反派，有大量槍戰及動作場面，屬同一經理人公司的「師妹」何珮瑜大讚他為了演好角色，不惜大熱天時自發去練拳，毫無怨言，專業態度令她佩服不已！
英皇電影《怒火》是已故知名導演陳木勝最後一部作品，上映日期一直備受關注，昨日電影公司宣布於暑假檔7月30日推出。預告片中，霆鋒以一頭曲髮示人，今次他挑戰反派角色，眼神、笑容都相當有戲，氣場十足！加上他曾塑造不少經典反派角色，令人期待！
陳木勝擅拍爆破大場面，打戲亦拳拳到肉，霆鋒有多場火爆槍戰戲，更有飆車激戰，他亦施展渾身解數做到最好。片中與他對立的何珮瑜（Jeana）大爆其小秘密：「記得有場戲喺北角搭景，當日好熱，劇組整咗間有冷氣嘅鐵皮屋畀我哋休息，但大師兄（謝霆鋒）永遠都會行出街練拳，真係一個好努力同好有毅力嘅演員，有幸可以同佢合作，佢好追求完美，同埋真係好有型！」她還大讚對方有風度，若現場不夠櫈，他一定會讓給女生，寧願自己「罰企」。
陳木勝請食雪糕
談到跟陳木勝合作，Jeana表示最難忘與對方合照：「拍大結局嗰日好熱，導演特登安排咗兩架雪糕車畀我哋任食，當日拍得幾辛苦，但有導演咁好嘅鼓勵，仲同我影咗人生僅此一張嘅合照，我好喜歡呢張相，亦好榮幸能夠同導演合作。」