盈盈約男伴食貴嘢 鄭衍峰證地位:我請咗佢200幾餐!

藝人馮盈盈與緋聞男友鄭衍峰的關係峰迴路轉,她近日被發現與異性撐枱腳,人均消費1,500大元,不過鄭衍峰則淡定指與盈盈撐過200幾次枱腳,埋單銀碼一定不止3千!

繼被傳與鄭衍峰於電視城爭吵驚動高層後,盈盈近日被發現約會西裝男歎貴價意大利菜,盈盈受訪時連聲否認是新歡:「只係普通朋友啫,我向佢請教投資意見,順便食飯。討論完公事先閒談咗幾句,畫面誤導咗大家嘞。」她將這個「美麗的誤會」歸咎於禁聚令:「依家只准兩人一枱,咁一定係撐枱腳啦。見面食飯都要講到係新歡?有冇考慮過我朋友感受?我隨時拉低佢可發展對象嘅平均質素喎。」

桃花夠多唔使買

而鄭衍峰昨午現身電視城,與戴祖儀等出席節目《港產旅行團》記者會。他輕鬆回應:「我都係入到嚟先知呢單新聞,未有機會了解,咁朋友約食飯都好正常啫。(嗰餐飯食咗3千蚊!)我諗咁多年我喺TVB canteen請佢食飯,加加埋埋都唔止呢個數啦,有200幾餐o架!」他坦言近日與盈盈各有各忙。當記者指對方生活得精彩,他即謂:「咁我都好精彩,拍節目時有戴祖儀同林穎彤呢啲靚女陪住,發現咗好多香港嘅隱世風景。(咁新年前會唔會約盈盈去買桃花?)嘩,我哋已經好多桃花,唔使買嘞!」

戴祖儀曾淑雅共浴

另外,《港》節目內戴祖儀與曾淑雅有「出浴」鏡頭,祖儀透露:「我哋被安排去咗酒店staycation,有機會望住靚海景出浴。當時我披咗浴巾下面仲有泳裝,曾淑雅對披毛巾好熟手,教咗我點整之後點扯都唔甩。」