現年51歲的拉丁天后「籮霸」珍妮花露柏絲（Jennifer Lopez），日前於社交網站宣傳個人品牌護膚品新系列，卻被網友質疑打肉毒桿菌整容，搞到她嬲爆留言反擊：「笑死我，呢個只係我塊面！講咗5億次，我從來冇打過肉毒桿菌或者其他填充物，亦都冇做整容手術！即係話，快啲買我隻產品，等你可以自覺皮膚變靚啲！我又講多個自己美容秘訣你聽：『嘗試花多啲自己時間去變得更加正面、善良，同鼓勵其他人。』唔好花時間去踩低人，都會令你變得年輕同美麗！」