金盈中西合璧自創白酒朱古力

前無綫新聞主播金盈（Liz）最近搞作多多，主理網上香薰蠟燭生意之餘仍不忘幕前工作，日前獲藝人林景弘邀請拍攝由他代理的中國白酒宣傳照。廚藝了得的Liz接觸了這支酒後，發揮了不少創意，她說：「我唔係好飲酒，但試用嚟整朱古力，中西合璧，出嚟效果好正，朋友都大讚，諗過推出市面賣。」林景弘則讚拍檔樣子甜美，斯文又有內涵。早前主力在內地發展的他，最近留港準備為ViuTV開新劇，他說：「原定一早就拍，但因為疫情延期咗，所以都要推埋內地嘅劇，依家終於開拍。」