Sora@ONE PROMISE喊唔出被圍攻

環球樂隊ONE PROMISE在新歌《明年見》MV中喊到眼腫面腫，但在幕後特輯中主音文廸踢爆Sora是「鐵人」：「有人Fail咗，佢冇喊到！」Sora即自辯：「佢哋Keep住問係咪需要喊，導演係冇指示要喊，我已經好七情上面，表示咗我嘅感受。」但文廸再補多「槍」：「就係喊唔到囉！」各成員亦有分享拍MV時想到甚麼而大感觸，天衡表示當時想到如果手傷的Anton再打不到鼓：「我哋努力咗咁耐，想做音樂咁耐，而又真係有呢個機會，但去到呢步，都真係幾唔開心！所以當刻就哭成淚人，但唔知點解Sora咁都喊唔出！」再次躺着也中槍的Sora澄清：「你睇佢哋3個都咁悲觀，得我係樂觀，我相信你（Anton）會好番！」