鍾舒漫哭訴「失憶」 好似冇咗條命！
歌手鍾舒漫（Sherman）和鍾舒褀（Sukie）兩姊妹前晚接受網上節目訪問，由童年一齊沖涼、瞓覺、玩吐口水、爭寵講到拍拖，原本開開心心，但Sherman說到低潮期，爆出這幾年突然「失憶」不懂得唱歌。
Sukie透露家姐現在每日也要花10小時不斷重唱以前的歌，Sherman邊講邊喊：「今日我做咗件事，聽日冇晒記憶，唔識做番，唔記得點做。我好痛苦，因為唱歌係我第1位，音樂上搵到自己，唱唔到好似冇咗條命。」她說有段時間好憎自己把聲，想用其他東西代替，於是去外國學唱歌跳舞：「學嘅嘢係啱，但個人好亂，令原本點做唔記得咗。」