洗廁所作嘔 馬俊怡為家務嗌分手
Rose克服床照風波，努力工作強攻幕前，最近就與邱晴、陳婉婷、伍詠詩及王頌茵等幾位靚女齊齊拍攝ViuTV真人騷節目《家務戰場》。她自評做家務中規中矩，但有個死穴：「我係好憎洗廁所嘅人，連屋企個廁所都唔會洗，係叫屋企人或者請鐘點洗。呢個節目好挑戰人嘅底線，令到你好想死！因為我要幫人哋洗廁所，仲係好多污漬，我邊洗邊作嘔！」
她又笑言懂烹飪的男生不特別吸引，反而肯做家務的男生會加分：「我唔接受另一半完全唔做家務，我試過同個唔係好肯做家務嘅男仔拍拖，最後解決方法係請鐘點，但長此下去唔係辦法，因為請都係每星期1、2次，有時食完飯都要抹枱，最後呢樣嘢就成為分手導火線之一。」