短髮勁唔慣 劉穎鏇：好多人唔認得我

劉穎鏇（Tiffany）最近忙於拍攝新劇《把關者們》，為此更把一頭長髮剪短，她自言十分不慣：「細細個就開始留長頭髮，十幾年冇剪短過，所以最初好唔習慣，要時間慢慢接受，好多人都話唔認得我！」Tiffany透露劇集預計拍攝至2月，農曆新年也要在工作中度過。她指母親居於美國，由於疫情關係，已整年沒見過對方，甚是想念：「當地疫情嚴重，我都好擔心佢，想佢飛返港，但又怕搭十幾個鐘飛機好危險，佢返到嚟又要一個人喺酒店隔離，都好高危。呢一年所有節日同佢生日都冇得一齊慶祝，好在依家有得視像通話，我同媽咪每日都會傾2次電話。」