正式踏入2021年,靚湯突然主動出擊,於社交網貼文「2021快樂!」,之後右下角附加幾行細字:「既然你哋咁想,如果,我係話如果呀吓,佢今年冧莊(視帝),就結啦!」網民都極為緊張,更起哄表示投票給馬國明,有人留言謂:「馬國明一定攞硬最佳男主角,2021靚湯結硬婚!」
攞獎要睇實力
昨日一對戀人分別接受訪問,馬國明笑謂:「其實因為佢知我應該攞唔到先講笑……希望大家新嘅一年開開心心……」至於靚湯就話:「佢攞到咪認真考慮囉,但係今年對手都好強嘅,咁作為佢身邊人當然支持佢!(幫佢開Post拉票?)大家又唔使太誇張,其實都要睇番大家實力,攞獎項呢啲係講天時地利人和,到時咪知囉!仲有10日之嘛!」