湯洛雯激勵馬國明爭帝：冧莊就結婚啦！
視帝馬國明與女友湯洛雯是去年娛樂圈中最甜蜜的一對戀人，他們大方承認拍拖以來，經常「放閃」，男方出入靚湯家，10月時更傳他向女友求婚成功，不過一劇接一劇的他表示忙到甩轆，未有時間，要先完成手頭上的工作。
正式踏入2021年，靚湯突然主動出擊，於社交網貼文「2021快樂！」，之後右下角附加幾行細字：「既然你哋咁想，如果，我係話如果呀吓，佢今年冧莊（視帝），就結啦！」網民都極為緊張，更起哄表示投票給馬國明，有人留言謂：「馬國明一定攞硬最佳男主角，2021靚湯結硬婚！」
攞獎要睇實力
昨日一對戀人分別接受訪問，馬國明笑謂：「其實因為佢知我應該攞唔到先講笑……希望大家新嘅一年開開心心……」至於靚湯就話：「佢攞到咪認真考慮囉，但係今年對手都好強嘅，咁作為佢身邊人當然支持佢！（幫佢開Post拉票？）大家又唔使太誇張，其實都要睇番大家實力，攞獎項呢啲係講天時地利人和，到時咪知囉！仲有10日之嘛！」