樂隊ONE PROMISE的低音結他手Sora日前與圈外太太在銅鑼灣睇嬰兒用品，見其太太穿鬆身衫兼肚凸凸，明顯造人成功！他們專攻BB車及BB床，見到孭帶時立即試用，揀口水肩及衫仔時專攻藍色，似乎一索得男。
記者致電Sora祝賀，他開心表示太太已有5個月身孕，預計B仔明年4月底出世，所以現時忙於張羅嬰兒用品：「之前上網買咗衫仔、鞋，趁特價買，可以慳番啲錢。」他指今次是首胎，而且疫情肆虐，所以要分外小心。他直言現時除了宣傳新歌外，更要勤力賺奶粉錢：「唔畀自己停，有任何搵錢機會都盡量爭取！我除咗夾Band仲有紅酒生意，好彩年尾生意OK，可以頂住。」
