歐氏3姊妹自製白色聖誕
今日是平安夜，藝人歐詠怡（WingWing）、歐詠寶（Yogurt）及歐詠珊（Janice）以性感聖誕女郎裝扮陪大家迎接佳節！她們齊聲表示最愛聖誕節，因為除了氣氛好，還可以食大餐、收禮物，Janice更分享曾自創白色聖誕：「睇戲覺得要有雪，試過用好多棉花拋高扮落雪，依家諗番覺得好低能，但係好開心！」而Yogurt說：「細個一定會叫爸爸買隻好大隻嘅熊公仔，有得攬住好開心！」
至於WingWing曾經懷疑自己是「壞小孩」：「細過真係信有聖誕老人派禮物，每年都掛隻襪喺床頭，但係次次都冇！心諗我係咪唔夠乖，所以佢唔揀我？」她又踢爆Janice試過食聖誕大餐後飽到嘔，是家人的笑柄。
