藝人海俊傑（海仔）被傳「飲大兩杯」，對老闆的好友失言，故被「小懲大戒」，日前全公司總動員賀老闆的新食肆開張，唯獨他冇份。海仔受訪時笑說：「我梗係冇得罪人啦！個個都好開心。」他指當日到無綫電視城見新劇監製及試造型，才未能到場賀老闆，又指和對方關係好：「佢知我要做義工，捐咗好多物資畀我。」
