黃嘉雯生日被點名收「驚」喜
前港姐冠軍黃嘉雯日前剛過27歲生日，獲多位好友送蛋糕慶祝，不過其中1個Surprise令她「驚」多過喜！生日當天出席短期藝員訓練班的她，臨下課前突然被導師黃智賢點名要求重演：「我以為上堂演得唔好要再做，有少少嚇親，當我醞釀緊情緒、背緊對白嘅時候，佢哋就拎咗個蛋糕出嚟，完全冇諗過，好開心！」她又大讚導師好戲：「畀着係我啲同學仔應該會笑場，佢係最有演技嗰個！」
問到德籍男友有何表示？她說只吃了生日飯，但已經冧爆。問到有何生日願望？她希望大家身體健康、疫情盡快結束，工作上就希望可作多方面嘗試。