滕麗名戥「男友」開心：即刻恭喜佢！

袁文傑與女友張潔蓮入紙註冊結婚，圈中好友都戥兩人開心。現時與袁文傑於《愛．回家之開心速遞》中飾演一對的滕麗名坦言為兩人高興，她昨日受訪時說：「恭喜晒！我會即刻恭喜佢，拍檔結婚當然開心到不得了，人逢喜事精神爽。（同張潔蓮認識嗎？）識嘅，以前喺公司都有見過，因為佢做過兒童節目嘛！（有冇聽過袁文傑講入咗紙註冊？）冇喎！咁佢又冇提過，男人好少喺做嘢時間講呢啲。」